ანალიტიკური ცენტრი „მსოფლიო გამოცდილება საქართველოსთვის“ (WEG) აცხადებს კონკურსს ენერგეტიკის საკითხების გაშუქებით დაინტერესებული საგამოძიებო ჟურნალისტებისთვის საქართველოში, მოლდოვასა და უკრაინაში. კონკურსის თემატიკა გულისმოხბს ენერგეტიკის სექტორში არსებული პრობლემების ანალიზს ოკუპირებული რეგიონების ჭრილში.

კონკურსი ცხადდება პროექტის „ჟურნალისტები ენერგეტიკული უსაფრთხოებისათვის“ ფარგლებში, რომელიც დაფინანსებულია ევროკავშირის მიერ „შავი ზღვის ფონდი რეგიონული თანამშრომლობისთვის (BTS)“ ფარგლებში.

კონკურსის მიზანია, ხელი შეუწყოს ენერგეტიკული უსაფრთხოების საკითხების გაშუქებას და ცნობიერების ამაღლებას.

ვის შეუძლია მონაწილეობა

კონკურსში მონაწილეობა შეუძლიათ ჟურნალისტებს საქართველოდან, მოლდოვადან და უკრაინიდან.

• კონკურსი ღიაა ნებისმიერი მედია საშუალების ჟურნალისტისათვის (ტელევიზია, რადიო, ბეჭდური თუ ონლაინ მედია).
• ჟურნალისტს გამოქვეყნებული უნდა ჰქონდეს სულ მცირე 3 მედია პროდუქტი  ნებისმიერ თემაზე (სტატია, რეპორტაჟი, სიუჟეტი, საგამოძიებო სტატია და სხვ.).
• დაშვებულია ჯგუფური ნაშრომების წარმოდგენა.
• თუ ჟურნალისტი წარმოადგენს ჯგუფთან ერთად შემუშავებულ მედია პროდუქტს, მის მიერ ინდივიდუალურად წარმოდგენილი ნაშრომი არ განიხილება. 

მოთხოვნები

დაინტერესებულმა ჟურნალისტებმა უნდა გაითვალისწინონ შემდეგი მოთხოვნები:

• მედია პროდუქტის შინაარსი უნდა ეხებოდეს ენერგეტიკის სექტორში არსებულ პრობლემებს ოკუპირებული რეგიონების კონტექსტში. წარმოაჩენდეს ოკუპირებულ რეგიონებთან დაკავშირებული ცალკეული ენერგეტიკული საკითხების გავლენას ეროვნულ ენერგეტიკულ უსაფრთხოებაზე.
• მედია პროდუქტი უნდა იყოს გამოქვეყნებული ადგილობრივ ან საერთაშორისო მედიაში.
• მედია პროდუქტი უნდა იყოს მომზადებული ქართულ ან ინგლისურ ენაზე (უკრაინასა და მოლდოვაში ეროვნულ ენებზე).
• კონკურსის მონაწილეებისათვის სასურველია ტრენინგზე დასწრება, რომელსაც საქართველოში ჩაატარებს WEG, ხოლო მოლდოვასა და უკრაინაში WEG-ის პარტნიორი ორგანიზაციები. ტრენინგის მონაწილეების მიიღებენ საბაზისო ცოდნას  ოკუპირებულ ტერიტორიებზე ენერგეტიკის კუთხით არსებული გამოწვევების შესახებ, რაც დაეხმარებათ საკონკურსო თემის შერჩევასა და მონაცემების მოძიებაში.

WEG და მისი პარტნიორი ორგანიზაციები დაინტერესებულ ჟურნალისტებს ენერგეტიკის საკითხებთან დაკავშირებით საინფორმაციო მხარდაჭერას გაუწევენ.

ტრენინგი

ტრენინგი ჩატარდება ოქტომბრის ბოლოს/ნოემბრის დასაწყისში, რის შესახებაც მონაწილეებს დამატებით ეცნობებიათ. განსაზღვრულია  6 საათიანი ონლაინ ტრენინგის ჩატარება, რომელიც გადანაწილდება 2 დღეზე.

ტრენინგის მონაწილეები გაეცნობიან:

• ოკუპირებულ რეგიონებში ენერგეტიკის სექტორში არსებულ პრობლემებსა და ენერგეტიკული უსაფრთხოების ძირითად გამოწვევებს;
• ენერგეტიკული მონაცემებისა და ინფორმაციის მოძიების წყაროებსა და მეთოდებს, მონაცემების ანალიზის ხერხებს;
• სხვა დაკავშირებულ საკითხებს.

პრიზი

გამარჯვებული მედია პროდუქტის ავტორს (ავტორებს) გადაეცემა ჯილდო 1000 ევროს ოდენობით. თითოეულ ქვეყანაში გამოვლინდება 3 გამარჯვებული.

შენიშვნა: ჟიური უფლებას იტოვებს არ გასცეს სრული საპრიზო თანხა, თუკი არ იქნება მიღებული საკმარისი განაცხადი, ან მიღებული მედია პროდუქტი არ დააკმაყოფილებს შეფასების კრიტერიუმებს.

შეფასების კრიტერიუმები

საკონკურსო მასალებს შეაფასებენ WEG და პარტნიორი ორგანიზაციები. შეფასების კრიტერიუმებია.

მიღება

დაინტერესებულმა ჟურნალისტებმა, გთხოვთ  შეავსოთ სარეგისტრაციო ფორმა, რომ მიიღოთ ინფორმაცია ტრენინგის ან პროექტთან დაკავშირებული სხვა სიახლეების შესახებ.

კონკურსის მონაწილეებმა უნდა გამოაგზავნონ საკონკურსო მასალის და ადრე გამოქვეყნებული მასალების ბმულები და საკონტაქტო ინფორმაცია (სახელი, გვარი, ტელეფონი, ელ. ფოსტა) შემდეგ მისამართზე:  weg@weg.ge

მასალების გამოგზავნის ბოლო ვადა 17:00, 25 დეკემბერი, 2021წ.

გამოქვეყნების პერიოდი

საკონკურსო მასალა გამოქვეყნებული უნდა იყოს 2021წ. 15 ოქტომბრიდან -  2021 წ. 25 დეკემბრამდე შუალედში. გამარჯვებული გამოვლინდება 2022 წლის 15 იანვრამდე.

დამატებით ინფორმაციისათვის გთხოვთ მოგვწეროთ ჩვენს Facebook გვერდზე, ან დაუკავშირდეთ:

n.shatirishvili@weg.ge

t.kvaratskhelia@weg.ge